اكاديميه الاشهار
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

اكاديميه الاشهار

استايلات | برامج | خدمات | اكواد تومبيلات | اشهار المواقع | سكربتات | برامج الاشهار | شروحات البرامج | دعم فني | اكواد Css
 
الرئيسيةأحدث الصورالتسجيلدخول
Awesome Blue Sharp Pointer

اكاديميه الاشهار :: اكاديميه المنتديات العامه | General Forums ::   ::   :: قسم الحوار العام
LinkBack
شاطر | 
 

  هات الحلاوة بقي

استعرض الموضوع التالي استعرض الموضوع السابق اذهب الى الأسفل 
كاتب الموضوعرسالة
برنس الليالى
برنس الليالى


عضو برونزى

معلومات اضافيه
عدد مساهماتك معنا : 205
نْـقٌٍـآطُْـيَـے : 52313

هات الحلاوة بقي Empty
مُساهمةموضوع: هات الحلاوة بقي    هات الحلاوة بقي I_icon_minitimeالسبت أغسطس 28, 2010 4:08 pm

قبل ما ادخل في الموضوع انا مش معترض على البقشيش .. لما يكون طالع من الواحد بطيب خاطر لكن لما يبقى نظام إنك تحرج إلي قدامك عشان تاخد منه فلوس , أو تطالب بفلوس مش من حقك فده إلي بعترض عليه , وخد عندك كم مثال على ذلك


مية عمومي , وبعد ما تخلص تلاقي واحد قآعد على كرسي ويفضل ينادى عليك عشان ياخد منك حلاوة طلوعك من الحمام ... طب عاوز أعرف هو بيطلب فلوس بأمارة إيه ... والمكان اصلا شكله يقرف ... ولا بينضفه ولا بيعتني بيه ... وغالبا الراجل ده بيكون ملوش علاقة بدورة الميه ... ولا يعرف حتى فيه كم حنفية جوه ... بس هو إستسهال ..

كنت مرة واقف مستني واحد صاحبي على ما يطلع من دورة الميه ... وقآعد اتفرج على الراجل إلي قآعد عالباب ... أي حد يطلع ينادي عليه ... يا استاذ ... يا استااااذ ... يا استاااااااااذ ... وفي الآخر معظم الناس بتمشي وتسيبه .... وهو الراجل مفيش فايدة فيه مستني واحد ميعرفش إيه النظام وياخد منه المعلوم .
في أحد المواقف إلي كنت علطول بروحها ... كان فيه دورة ميه مكتوب عليها بالبنط العريض ( دورات المياه مجانية , وإذا وجد أي شكوى عليك الإتصال برقم كذا ) ... ومع ذلك برضه كان فيه واحد آعد هناك , وكمان فيه ناس بتديله فلوس .


لما تكون رايح المطار الجديد وداخل بالعربية بتاعة الشنط ( إلي معاليهاش غير شنطتين وغالبا بيكونو فاضيين ) ... وتلاقي واحد طلعلك من تحت الارض وفجأة تلاقيه مسك العربية وهو بيسألك سؤال عبيط ( هو حضرتك مسافر على مصر للطيران ؟ ) .. اكيد يعني , المطار الجديد اصلا مفيهوش غير مصر للطيران
ويتميز الاخ ده بإن سمعه تقييييل أوي ... فلو أعدت تقوله يا أخينا متشكر أنا عندى إيدين أهو شغالين زي الفل , ولو إتشليت هبقى اخليك تزق مكاني ... يعمل نفسه مش سامع ويكمل زق العربية ولا كأن حد بيكلمه ... ولازم تزعق معاه عشان يسيبلك العربية ويشوف حد غيرك .
وعشان كده وإنت داخل المطار لازم تتبع النصائح التالية :
- خليك ماسك في عربية الشنط جامد اوي كأنك لازقها بأمير .

- لو حاجة وقعت منك عالارض ( إنشالله إبنك الصغير ) سيبها واستمر بزق العربية ... حتى لو مراتك تاهت منك في المطار روح اوزن الشنط الاول وبعدين دوّر عليها .... عشان لو سبت العربية ولو لمدة فيمتوثانية , هتلاقي واحد خدها منك ويزقها وفي الآخر يطالبك بالبقشيش ... فمش مشكله لما تضحي بمراتك عشان متدفعش بقشيش .


لما تكون داخل على بنزينة , وتلاقي في إستقبالك واحد ببخّاخة وفرشة وفوطة , وكل شغلته أول مايشوف عربية داخله ... يتهيقله إن صاحبها راجل مش نضيف عشان سايب إزاز العربية إلي أدام عليه ذرة تراب ملي في ملي ... ولأنه راجل مبيستحملش يشوف إزاز عربية متوسخ ولو حتى ذرة تراب بسيطة ... فالدم يجري في عروقه ويحلف بالطلاق لينضف كل الإزاز إلي أدام ... بالذوق بالعافية هو هينضفهولك يعني هينضفهولك .... هو أنت يعني هتعرف اكتر منه ؟ ... وطبعا بعد ما يخلص هتضطر تديله بقشيش ... مع إن الإزاز بعد ما ينضفه بيكون أكتر لحوسة وشلفطة .

لما تكون رايح المدرسة عشان تجيب النتيجة ... وتلاقي البواب عاكش ورق النتيجة في إيد ... وفي الإيد التانية ماسك حلّة بيلم فيها الحلاوة .... قال يعني هو إلي صحح الورق بتاعك وهو إلي نجحك ... وأهم حاجة بيكون عامل تسعيرة لكل درجة .. فلو جايب درجة حلوة , يعنى طلّع كل الفلوس إلي معاك وإدهاله (على أساس هو إلي كان بيذاكرلك ويعملك الساندوتشات ويسهر معاك لغاية ما تنام ويغطيك ... وكمان هو إلي كان بيشرحلك العربي والإنجليزي ... وياما حل ليك مسائل في الرياضة والفيزيا ... ولّا هتنكر )
أما بقى لو جايب درج وحشة ... برضه طلّع وإديله .... ما هو برضه عمل إلي عليه ... إنت بقى إلي طالب فاشل .


لما تكون رايح السينما وبعد ما تدفع التذكرة وتدخل الصالة ... وأساسا مفيش حد جوه ... والكراسي كلها فاضية ... بس هتلاقي واحد ماسك كشاف ناططلك وماسك فيك وراسه وألف سيف ليأعدك هو ... ويعملك فيها الدليل إلي عارف كل مداخل ومخارج السينما وعارف إحداثيات وموقع كل كرسي والمسافه بينه وبين الشاشة ... وطبعا بعد ما يأعدك مش هيمشي من ادامك إلا لو إديته حاجة .


لما تكون داخل عمارتكو ... وتلاقي البواب سبقك عند الاسانسير وداس عالزرار وفتحلك الباب ... ويقف يستنى تديله حاجة ( على اساس إنك تدوس على زرار الاسانسير ده عمل شاق ومحتاح تاخد فيه دورات كتيرة وكورسات فلازم يكون معاه الكورس بتاع ( 20 طريقة للضغط على زرار الاسانسير ) ... ( زراير الاسانسيرات ... مالها وما عليها ) ..... ( إجري يا بواب في مدخل العمارة جري الوحوش ... يا تلحق تفتح باب الاسانسير قبل الساكن يا ما تلحقهوش ) .


لما ربنا يبتليك بواد موس في الثانوية العامة ويجيب درجة كبيرة آخر السنة .... وتلاقى كل الشارع إلي انت ساكن فيه بيطالبك بالحلاوة والحاجة الساقعة ... وتلاقي جارك إلي بقالك عشر سنين مبتكلموش بيباركلك عشان متاكلش عليه الحلاوة.
ونصيحة ليك لو إبنك نجح في الثانوية بدرجة كبيرة ... يا إما تعزل يا إما تخلي الواد يعيد السنة عشان يجيب درجة اقل .


لما تكون مع مراتك في المستشفى عشان تولد ... وبعد الولادة الممرضات ياخدو إبنك رهينة وما تستلمهوش إلا لما تدفع الفدية إلي تحددهالك الممرضة ... ومتنساش تاخد فاتورة بإستلام الواد .. عشان لو حبّيت تبدله وتاخد لون تاني غير إلي معاك
.

وان شاء الله في الخطة اللي جايه ..هنعين حد يقف ع كل موضوع ياخد منه الحلاوة وهو خارج يعني
ويالا واحد يتقدم ويمسك التوبيك كده وياخد حلاوته 5 جنية يالا يا اناتيم مش هنكتر عليكم اهوو
بتدفعوا بره اكتر اكيد يالا
بالاذن انا بقي



الموضوع الأصلي : هات الحلاوة بقي  المصدر : منتديات اكاديميه الاشهار academy-of-pub


توقيع العضو : برنس الليالى
منتديات اكاديميه الاشهار
 Academy-Of-pub

الرجوع الى أعلى الصفحة اذهب الى الأسفل
MarwanSoudies
avatar


عضو ذهبى

معلومات اضافيه
الْجِنْسِ : ذكر
عدد مساهماتك معنا : 826
نْـقٌٍـآطُْـيَـے : 53014
تاريخ الميلاد : 16/06/1996
الْعُمْرَ : 28
هـِـوْاًيُتـًے : مدير منتديات الأنهار الجارية
مزاجيـــے : هادئ غالبا

هات الحلاوة بقي Empty
مُساهمةموضوع: رد: هات الحلاوة بقي    هات الحلاوة بقي I_icon_minitimeالسبت أغسطس 28, 2010 7:33 pm

شكرا يا معلم
بجد راااااااااااااائع



الموضوع الأصلي : هات الحلاوة بقي  المصدر : منتديات اكاديميه الاشهار academy-of-pub



الرجوع الى أعلى الصفحة اذهب الى الأسفل
J.Bond
J.Bond


عضو فضى

معلومات اضافيه
الْجِنْسِ : ذكر
عدد مساهماتك معنا : 402
نْـقٌٍـآطُْـيَـے : 52352

هات الحلاوة بقي Empty
مُساهمةموضوع: رد: هات الحلاوة بقي    هات الحلاوة بقي I_icon_minitimeالثلاثاء سبتمبر 07, 2010 2:07 pm

شكرآآ لكـ آآخـوي



الموضوع الأصلي : هات الحلاوة بقي  المصدر : منتديات اكاديميه الاشهار academy-of-pub



الرجوع الى أعلى الصفحة اذهب الى الأسفل
 

هات الحلاوة بقي

استعرض الموضوع التالي استعرض الموضوع السابق الرجوع الى أعلى الصفحة 
صفحة 1 من اصل 1

العلامات المرجعية


صلاحيات هذا المنتدى:لاتستطيع الرد على المواضيع في هذا المنتدى
اكاديميه الاشهار :: اكاديميه المنتديات العامه | General Forums ::   ::   :: قسم الحوار العام-
انتقل الى:  
اكاديميه الاشهار
©phpBB | انشاء منتدى | منتدى مجاني للدعم و المساعدة | التبليغ عن محتوى مخالف | ملفات تعريف الارتباط التابعة لجهات خارجية | آخر المواضيع
الإعلانات النصية
اكاديميه الاشهارمنتدى أشهار Eshary.comمنتديات احلى عرب منتديات اصحاب الى الابداضف موقعىاضف موقعك
اضف موقعك اضف موقعكاضف موقعكاضف موقعكاضف موقعكاضف موقعك
اضف موقعكاضف موقعكاضف موقعكاضف موقعكاضف موقعكاضف موقعك
اضف موقعكاضف موقعكاضف موقعكاضف موقعكاضف موقعكاضف موقعك